محمد أنور يسخر من بطلة كليب «ركبني المرجيحة».. قريبا هتركب الصاروخ.. شاهد
جولولي -
شن محمد أنور نجم مسرح مصر، هجومًا حادًا على بطلة كليب «ركبني المرجيحة»، وعقد مقارنة بينها وبين الطالبة مريم ابنة حارس العقار والأولى على الثانوية العامة. محمد أنور، نشر صورة لهما عبر صفحته الشخصية بموقع «إنستجرام»، وعلق عليها قائلًا: «اللي على اليمين عايشة في أوضة واحدة مع إخواتها وأمها وأبوها الراجل المكافح اللي شغال حارس عقار ورغم كل ظروفها الصعبة دي طلعت الأولى على الثانوية العامة». وأضاف: «اللي على الشمال كل اللي عملته إنها ركبت المرجيحة ولاقيتها حلوة أوي ومريحة، النتيجة إن اللي على اليمين محدش يعرفها واللي على الشمال بقت نجمة، وقريبا هتركب الصاروخ التعليم زمان كان بيوصلك لحلمك دلوقتي اركب المرجيحة توصل أسرع». يذكر أن كليب «ركبني المرجيحة» أثار مؤخرًا ضجة كبيرة وحالة من الجدل عبر مواقع التواصل الاجتماعي، وتعرض صناعة وأبطاله للانتقادات والسخرية وتحديدًا بطلة الكليب دالي حسن، وسخر النشطاء منها بسبب صوتها ووصفوه بعدد من الصفات منها "النشاز" و"صوت العرسة" بجانب السخرية من شكلها ومكياجها المبالغ فيه والسيئ.

إقرأ المزيد