أيمن بهجت قمر: «البدلة» رد اعتباري أمام أولادي
جولولي -
بعد النجاح الكبير الذي حققه فيلم "البدلة" وتصدره لإيرادات موسم عيد الأضحى، أكد كاتبه الشاعر والسيناريست أيمن بهجت قمر أن هذا النجاح يعني له الكثير، حيث أنه رد له اعتباره أمام أولاده. قمر كتب، على حسابه الخاص على موقع "الفيس بوك": "نجاح فيلم البدلة بالنسبالي مش نجاح عادي لفيلم انا كتبته.لأ ..ده نجاح شخصي ليا وبعتبره كإنه علاج لفتره مرت عليا من اصعب فترات حياتي لأني كتبته في ظروف عشان تكتب فيلم كوميدي فيها يبقى انت جبله او ما بتحسش لكن بصراحه كل اللي حواليا ساعدوني في تحقيق ده بداية من تامر ووليد واكرم ومحمد وكل الناس". وأضاف: "كنت محتاج أنجح قدام اولادي بهجت وأدهم عشان هما شافوا معايا موقف في السينما في الفيلم اللي قبله وسمعوا واحد من الجمهور بيسب في مؤلف الفيلم وزعلوا وانا فهمتهم ان ده فن ومادام نزل يبقى ملك الناس يعني هما احرار في رأيهم بس من جوايا كنت بدعي ربنا يصلح الموقف ده وبسرعه عشان خوفت إيمان ولادي بيا يتهز لإنهم صغيرين ومش فاهمين.. خلاصة الكلام ربنا دايما بيدي للي بيتعب  وبيخلص ومحدش بيخسر كل حاجه او بيكسب كل حاجه ٢٤ قيراط ربك مقسمهم وعالم بينا وبخبايانا". وكان أيمن بهجت قمر قد قدم قبل فيلم "البدلة" فيلم "عنترة ابن ابن ابن شداد" للفنان محمد هنيدي، والذي عرض عام 2017، إلا أنه لم يحقق نجاحا كبيرا في دور العرض. يذكر أن فيلم «البدلة»، قصة وسيناريو وحوار أيمن بهجت قمر، ومن إخراج محمد العدل، وإنتاج وليد منصور، وبطولة كل من تامر حسني، وأكرم حسني، وأمينة خليل، وماجد المصري، ودلال عبدالعزيز، ومحمود البزاوي، ومحمد ثروت، وطاهر أبو ليلة، وقد تصدر الفيلم إيرادات موسم عيد الاضحى متفوقا على كل من “الديزل” لمحمد رمضان، و”الكويسين” لأحمد فهمي، و”تراب الماس” لآسر ياسين”، و”بني آدم” ليوسف الشريف.

إقرأ المزيد